Icetransport

Tengiliður: Logi

Ferlið

Verkefnið byrjaði á fundi þar sem þarfir voru ræddar og komu þar að nokkrir starfsmenn Icetransport og ráðgjafi Allra Átta. Rætt var um að gamli vefurinn væri ágætur og eftir að hafa skoðað vefgreiningu þá sáum við að það voru ákveðnar síður sem viðskiptavinir leituðu mikið að, og dæmi um það var starfsfólk en hún var þá sett í myndrænt form á forsíðu.

Það var svo fljótlega ákveðið að gera vefinn eins „Lifandi“ og mögulegt er, sem þróaðist þannig að sett voru inn myndskeið (video) efst á forsíðu í flettiformi, og sýna þannig á lifandi hátt hvaða helstu þjónustur Icetransport býður sínum viðskiptavinum upp á.

Skipulag

Næst var hafist handa við að endurskipuleggja vefinn, taka til, fjarlægja gamalt efni og bæta við textum og upplýsingum um ákveðnar þjónustur Icetransport. Áhersla var lögð á að hafa leiðarkerfið ( valmynd / menu ) einfalda og notendavæna og teljum við að vel hafi tekist til.

Gagnvirkni

Nú var einnig rætt að það yrði að vera hægt að senda með einföldu móti, beiðnir, fyrirspurnir og eins óska eftir tilboði í gegnum vefinn og var það leyst með ýmsum rafrænum fyrirspurnarformum. Á forsíðu er  svo hægt að rekja fluttningsnúmer sem einfaldar viðskiptavinum að vita hvar sending þeirra er stödd í ferlinu.

Útlit og viðmót

Vefurinn var hannaður sem einfaldur og myndrænn, og auðvelt að nota á snjalltækjum. Þessi vefur er forritaður með WordPress vefumsjónarkerfi og er snjallvænn, þ.e. hann skalar sig og lagar sig að öllum helstu snjalltækjum.

Niðurstaðan

Það var ljóst fljótlega eftir að vefurinn fór í loftið að hann hitti í mark, því bæði viðskiptavinir Icetransport hafa lýst yfir ánægju með hversu aðgengilegur vefurinn er og auðvelt að finna allt efnið á honum, og eins eru starfsmenn Icetransport ánægðir með virkni, útlit og ljóst að markiðum með smíð nýja vefsins var náð.

Þakklæti

Við þökkum Icetransport fyrir ánægjulegt samstarf og samvinnu við smíði þessa vefsvæðis, það var alltaf hressleiki á fundum okkar og þeir eru höfðingjar heim að sækja. Við óskum Icetransport til hamingju með nýja vefinn.